APO KONO EH JANG

Fida Ibrahim & AC Mizal

Jang oh Jang
Mano pulak poi budak bertuah ni
Sonyap yo…
Siaplah jang oi…
Kobau tu tak boghi makan lai

Batu kikir jambatan bosi
Gulai udang sebelango
Cubo omak fikir dalam hati
Ayo ni bujang sudah lamo aih

Apo kono eh jang
Tongah malam tolanjang
Ekau dah bosa panjang
Jangan duduk tolontang
Polek buna bunyik eh
Mana ada kau menughih
Tapi cubo kau donga ini pekagho bona
Ko tongah ko topi kobau ko pun dah mati
Korek tanah masuk lai dokek kualo pilah
Ekau tengok muko dulu
Muko ko pun dah bobulu
Poi cukolah dulu
Badan ko bau lombu

Apo kono eh jang kau monong ajo
Orang ke bulan ekau di mano
Muko berpoluh apo toghosa
Carian ubek penawar duko

Poilah mandi hari dah tinggi
Jangan temonung menoman tanggo
Ke sawah kito menuai padi
Apo dikonang pekaro yang sudah

Si milah kau gilokan
Orang dah masuk meminang
Mano den lotak muko
Kondak kau jang diambik orang
Biar omak cari yang lain
Ompuk orang jangan diidam

Dah den koba en dulu
Dongalah cakap cikgu
Banyak-banyak membaco
Bosa nanti berjayo
Cerdik macam anaok tok wan
Sebelum jadik kayo
Jangan maleh bekojo
Kono kuek usaho
Masak lomak cili padi
Minom kopi cicah ghuti
Kocik-kocik mengaji
Bosa jadi montoghi
Eden ado nak posan
Janganlah ketinggalan
Hidup ado panduan
Al-Quran jadi pogangan

Ke jelobak ke jelobu
Tuai padi tigo tangkai
Kato ombung den…
Kato ongah den…
Kato ocu den

Apo kono eh jang kau monong ajo
Orang ke bulan ekau di mano
Muko berpoluh apo teghosa
Carian ubek penawa duko

Dah den koba an dulu kumpol kan duit
Pinanglah copek ini kau tangguh an
Ke sawah kito mengumpo belanjo
Bekonan den si milah buek menantu

Apo lai kau sosakan
Menghaung tak ado guno
Milah kawin minggu dopan
Melopong kau jang putih mato

Jangan lai dikonang konang
Asik dikonang merano badan

Asik tokonang meghano badan
Asik tokonang meghano badan

Bekocak air di boting
Limau manih betaruk mudo
Bio bocacak koghih dan lombing
Putih kuning den tarik juo

Apo kono eh jang
Apo di konang